ಒಂದು ವರ್ಷ ಮೂರು ತಿಂಗಳ ಕಂದ, 100 ಮೀಟರ್ ಓಡಿ ದಾಖಲೆ ಬರೆಯಿತು! ಕೊಡಗಿನ ಪುಟ್ಟ ಇವಾನ್!

ಆ ವಯಸ್ಸಿನಲ್ಲಿ ಮಕ್ಕಳು ಇನ್ನೂ ಗೋಡೆ ಹಿಡಿದುಕೊಂಡು ಹೆಜ್ಜೆ ಇಡುತ್ತಿರುತ್ತಾರೆ. ಅಮ್ಮ ಕೈ ಬಿಟ್ಟರೆ ಬಿದ್ದುಬಿಡುತ್ತಾರೆ!

ಕೊಡಗಿನ ಎಂ. ಇವಾನ್ ಪ್ರಿನ್ಸ್ ಮಾತ್ರ ಬೇರೆ. ಆ ಕಂದನ ವಯಸ್ಸು ಒಂದು ವರ್ಷ ಮೂರು ತಿಂಗಳು! ಆ ಪುಟ್ಟ ಕಾಲುಗಳು 100 ಮೀಟರ್ ದೂರವನ್ನು 57 ಸೆಕೆಂಡಿನಲ್ಲಿ ಕ್ರಮಿಸಿವೆ!

ಈ ಸಾಧನೆ ನ್ಯಾಷನಲ್ ಬುಕ್ ಆಫ್ ರೆಕಾರ್ಡ್ಸ್‌ನಲ್ಲಿ ದಾಖಲಾಗಿದೆ!

ಸೋಮವಾರಪೇಟೆ ತಾಲ್ಲೂಕಿನ ಗೆಜ್ಜೆಹಣಕೋಡು ಗ್ರಾಮದ ಎಚ್.ಎಲ್. ಕಾವೇರಿ ಮತ್ತು ಮಹೇಂದ್ರ ಕುಮಾರ್ ದಂಪತಿಯ ಪುತ್ರ ಈ ಪುಟ್ಟ ಸಾಧಕ.

ಇದು ಆಕಸ್ಮಿಕವಲ್ಲ ಎನ್ನುವುದಕ್ಕೆ ಒಂದು ಸುಳಿವಿದೆ. ಆ ಮಗುವಿನ ತಾಯಿ ಕಾವೇರಿ ಅವರು ಸ್ವತಃ ಕ್ರೀಡಾಪಟು. ಓಡುವುದು ಆ ಮನೆಯಲ್ಲಿ ಹೊಸದಲ್ಲ. ಅಮ್ಮ ಓಡಿದ ದಾರಿಯಲ್ಲಿ ಮಗು ಅಂಬೆಗಾಲಿಟ್ಟು ಹೊರಟಿದೆ.

ಕೊಡಗು ಕ್ರೀಡಾಪಟುಗಳ ನೆಲ! ಹಾಕಿ ಆಟಗಾರರನ್ನು, ಸೈನಿಕರನ್ನು, ಓಟಗಾರರನ್ನು ಈ ಬೆಟ್ಟಗಳು ದೇಶಕ್ಕೆ ಕೊಟ್ಟಿವೆ! ಆ ಸಾಲಿನಲ್ಲಿ ಈಗ ಒಂದು ಪುಟ್ಟ ಹೆಸರು ಸೇರಿದೆ1

ಈ ಮಗು ನಾಳೆ ಏನಾಗುತ್ತದೆ ಎಂದು ಈಗಲೇ ಹೇಳಲಾಗದು. ದಾಖಲೆಗಳು ಮಕ್ಕಳನ್ನು ದೊಡ್ಡವರನ್ನಾಗಿ ಮಾಡುವುದಿಲ್ಲ. ಆದರೆ ಒಂದು ಮನೆಯಲ್ಲಿ ಅಮ್ಮ ಓಡುವುದನ್ನು ನೋಡಿ ಮಗು ಓಡಲು ಕಲಿಯುತ್ತದೆ ಎನ್ನುವುದು ಮಾತ್ರ ಸುಂದರ ಸತ್ಯ.

ಆದರೆ ಒಂದು ಸಂಗತಿ ಸುಂದರವಾಗಿದೆ. ಒಂದು ಮನೆಯಲ್ಲಿ ಅಮ್ಮ ಮೈದಾನಕ್ಕೆ ಇಳಿಯುವುದನ್ನು ನೋಡಿ ಮಗು ಓಡಲು ಕಲಿಯುತ್ತದೆ. ಹೆಣ್ಣುಮಕ್ಕಳು ಆಟವಾಡಿದರೆ ಏನಾಗುತ್ತದೆ ಎಂದು ಈಗಲೂ ಕೇಳುವವರಿದ್ದಾರೆ. ಅವರಿಗೆ ಈ ಕುಟುಂಬದ ಕಥೆ ಒಂದು ಉತ್ತರ.

ಗೆಜ್ಜೆಹಣಕೋಡಿನ ಮಣ್ಣಿನಿಂದ ಹೊರಟ ಈ ಹೆಜ್ಜೆಗಳಿಗೆ ಓಯಾಸಿಸ್ ಶುಭ ಹಾರೈಸುತ್ತದೆ.

ವರದಿ : ಓಯಾಸಿಸ್ ಸುದ್ದಿ ಮನೆ ಓಯಾಸಿಸ್ ಸುದ್ದಿ ಮತ್ತು ಜಾಹೀರಾತುಗಳಿಗಾಗಿ ಸಂಪರ್ಕಿಸಿ: nammaoasis@gmail.com, +91 8147424128

Leave a Comment

Your email address will not be published. Required fields are marked *

Scroll to Top